مطبخ

اللحم المشوي وتتبيلاته 👌👌👌| وصفاتي.كوم

اللحم المشوي وتتبيلاته 👌👌👌

اللحم المشوي وتتبيلاته 👌👌👌| وصفاتي.كوم

اللحم المشوي 🥩🥩🥩هو احسن طريقه لطبخ اللحم لأنه بيحتفظ بقيمه اللحم الغذائيه وهو في حد ذاته طعمه جميل بيحبه كل الناس👨‍👩‍👦‍👦 ..

ولكن التتبيلات 🥣بتعطي له نكهه وطعم مميز أكتر وفايدتها انها بتحفظ طراوه اللحم وبتدي تنوع ف الطعم وتعتبر من المكملات الغذائيه.

لانها بتمد الجسم بمواد مفيده دا غير انها بتسرع عمليه نضج اللحمه وبتديها لون دهبي ورائحه ونكهه جميله 😋

وبما إن الأكل اذواق وأمزجه فعندنا أنواع كتييير لتتبيل اللحمه يلا نشوفها 😘

١)تتبيله الزبادي💖

علبه زبادي ؛ ملح ؛ فلفل اسود ؛ كمون ؛ فصين توم مفرومين ؛ معلقتين زيت زيتون ؛ ليمون ؛ خل ؛ كاري ؛ بصل مفروم ؛ وفلفل احمر .. تقلب كل المكونات سوا ونحط فيها اللحمه لمده ساعتين علي الاقل قبل الشوي

٢)تتبيله الليمون والبصل 💖

ليمون وخل وملح وفلفل وبهارات بحمه وبصله مفرومه ناخد ميتها بس ونضيف عليها المكونات ؛

نخلط كله ونحط اللحمه ونسيبها ليله كامله ف التلاجه ونشوي تاني يوم

٣)تتبيله الكباب 💖

معلقتين زيت وبصله مفرومه ورشه بقدونس مفروم وخل وملح وفلفل وكمون ونتبل اللحمه ( مكعبات صغيره )ساعه ونحطها في أسياخ ومعاها طماطم وفلفل وبصل ونشويها ع الفحم

٤)تتبيله المايونيز 💖

بصلتين مفرومين وخمس فصوص توم ويتفرمو ناعم ؛ حزمه بقدونس مع ليمونه متقشره ويتفرمو سوا ونضيف ليهم عليه زبادي و٣ معالق مايونيز و٣ معالق خل ومعلقتين زيت زيتون وكاري وكركم وفلفل اسود وملح وكسبره ناشفه مطحونه وكمون ونتبل اللحمه لمده ليله كامله

٥)تتبيله صوص الصويا 💖

معلقه كبيره خل ونص معلقه بهارات مشكله وعصير ليمونتين ومعلقه مسترد ومعلقتين كبار صويا صوص وملح حسب ما تحبي ؛ نتبل اللحم ساعتين قبل الشوي علي الفحم

اللحم المشوي وتتبيلاته 👌👌👌| وصفاتي.كوم

٦)تتبيله عصير البرتقال والطماطم 💖

عصير بصله ومعلقتين عصير برتقال ومعلقتين عصير طماطم ومعلقه خل ومعلقه زيت زيتون وملح وفلفل وبهارات مشكله نتبل اللحم ليله كامله واثناء الشوي نسقيها بالتتبيله دي عشان تحتفظ بطراوتها 👌

٧)تتبيله السڤن أب او الاسبرايت 💖

كوبايتين زبادي و٣ معالق مايونيز ومعلقه بهارات مشكله مع عصير ليمونتين ومعلقه كاتشب صغيره وملح ونص كوبايه سفن أب نتبل اللحمه لمده ساعتين قبل الشوي

٨)تتبيله البرتقال والزعفران 💖

بصله مفرومه مع ٦ فصوص توم مفروم وبشر قشره ليمون وربع كوبايه عصير برتقال ونص معلقه صغيره زعفران وملح ومعلقتين زيت وملح ونتبل ساعتين قبل الشوي

٩)تتبيله لحم الشرايح 💖

٢ بصل ؛ ١طماطم؛ معلقتين زيت زيتون ؛ ملح وفلفل ؛ معلقه صغيره زعتر وروزماري ؛ ربع معلقه جنزبيل وربع جوزه الطيب نضرب كل المكونات تبقي عصير ونضيفها علي اللحم ونتبلها لمده ٦ ساعات ع الاقل قبل الشوي

١٠)تتبيله الكزبره والعسل 💖

معلقه كبيره زيت زيتون معلقه كبيره عصير ليمون معلقه صغيره عسل ابيض فص توم مفروم ملح وفلفل وربع كوبايه مسبره خضرا مفرومه

١١)تتبيله الزبادي والكاري 💖

علبه زبادي ومعلقه عصير ليمون معلقه كبيره كاري ومعلقه صغيره سكر بني وملح وفلفل

١٢)تتبيله الأعشاب 💖

معلقه كبيره زيت زيتون وعصير ليمونه معلقه صغيره شطه ومعلقه صغيره قرفه ومعلقه صغيره توم بودره ومعلقه زعتر وملح وفلفل ومعلقه كبيره سكر بني ومعلقه صغيره بهارات مشكله

١٣)تتبيله الحاتي 😉👌والي بفضلها 😍💖

ميه بصل وطماطم وبهارات مشكله وملح وفلفل وليمون وخل ورشه جوزه الطيب نتبل اللحم

ونسيبها ف التلاجه لتاني يوم وتشوي ع الفحم

١٤)تتبيله الضاني 💖

واحده بصل وواحده طماطم و٣ فصوص توم ويتفرموا ناعم نضيف عليهم معلقه عسل ومعلقه صويا صوص

ومعلقتين خل ومعلقتين زيت زيتون وملح وفلفل وبهارات وزعتر ونقلب كله ونتبل اللحمه ليله كامله

نصايح هامه عشان تطلع معاكي اللحمه طريه مش ناشفه ومستويه ومشويه مظبوط👌

١/نستعمل ميه البصل ف التتبيل مش البصل نفسه عشان هيتحرق معاكي بسرعه هيبوظ الطعم

٢/عصير الطماطم بيدي للحم طراوه

٣/نمسح الأسياخ والجريل بزيت قبل الشوي

٤/ اصبري علي اللحمه وسيبيها ف التتبيله ليله كامله عشان تطلع حلوه ومستويه وجهزي اللي عايزاه من بالليل

٥/اللحم لازم يبقي فيها نسبه ١٠ف الميه دهون عشان تمسك كويس ف السيخ وماتوقعش وتفك ع الفحم في حاله الكفته

٦/ الريش والشرايح ندقها بمدق اللحم قبل مانحطها ف التتبيله عشان انسجه اللحمه تفتح وتشرب التتبيله كويس 😘

٧/معلومه مهمه اووي ماتضيفيش الملح مع التتبيله من الاول ؛ لا تبلي بدون ملح وقبل الشوي علطول حطي الملح عالتتبيله

ليييييييييه عشان الملح بينزل ميه اللحمه نفسها وبينشفها فمش هتستوي كويس وهتنشف معانا تمام 👍واحنا عايزين السوائل اللي ف اللحمه تفضل وتشرب التتبيله كمان 👌

🐏🐏🐏🐏🐏🐏🐏🐏🐏🐏🐏🐏🐄🐂🐃🐄🐂🐂🐃🐄🐂🐃🐏🐏

عايزه تفاعل بقي يابنات 😘🤩🤩أنا مش مقصره معاكم خلي كله يستفيد 💜

ولو معندكيش شوايه اقسم بالله ولا يهمنا احنا نفووووت ف الحديد💪😘

هقولك تشوي ازاي زي الحاتي وف البيت ومن غير شوايه 😂😂💜 ونتقابل في أنواع السلطات جنب المشويات 😘😘

الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق