مطبخ

لو عندك لسان عصفور تعالى نعمل منه اكله ررروعه وبتدفى جداا فالشتا هتعجبكم جدااا

السلام عليكم ورحمة الله وبركاته

أهلاً وسهلاً ومرحباً بكم في وصفة طبيعية

وصفة طبيعية

 

انهاردة مع وصفة حلوة جدا وجميلة جداً مكون من اللسان العصفور وكمان بتدفي في الشتاء من البرد 
 
طاجن لسان العصفور بالفراخ
 
أيوه بالضبط كدا هنعمل طاجن لسان عصفور بالفراخ
 
المكونات:
 
كيس لسان عصفور نوعية كويسة.
فلفل أحمر وأخضر وأصفر وبصلايه متوسطة.
 
التوابل:
 
ملح وفلفل وورق لوري وحبهان.
الفراخ البانية وبالكمية اللي انت تحبيها.
 
الطريقة:
 
هنجيب طاستين ونحطهم على النار علشان نوفر الوقت وفي كل حله معلقة سمنه وممكن احط زبده او زيت “اللى انتى بتستخدميه” ونسخن شويه ميه في البرد علشان هنحتجهم كمان شوية.
 
أول ما السمن يسخن ننزل عليه كيس لسان العصفور ونفضل نقلب فيه على نار هادية علشان يتحمر كويس، وفالطاسه التانية أول ما يسخن السمن ننزل فيها الفراخ البانيه ونشوحه تشويحه كويسه جداً وأول ما يبتدى يدخل في السوى والميه بتاعته نشفت تماماً ننزل عليه الفلفل الملون بتاعنا والبصلايه علشان ياخدوى تشويحه كويسه مع البانية.
أول ما يبتدوا يتبلوا مع بعض ننزل عليه طمطمايه أو اتنين متقطعين علشان يدي لون جميل جداً مع اللسان ونقلبهم تقليبه خفيفه، وآخر حاجة هننزل بيها على الفراخ هي التوابل نقلب شوية.
 
دلوقتي هنحط لسان العصفور اللي قلبناه وحمرناه كويسه جداً “لازم تحمريه كويس جداً علشان لما تيجي تسقيه بالميه أو بالشربه ميعجنش منك” ونقلبه كويس مع الفراخ والفلفل والتوابل.
 
وبالنسبه للتسوية هنزلهم كلهم في طاجن أو طاسه بايركس، ونجيب الميه اللى عملناها في البراد وغليناها ونقسيه بيها الاكله بتاعتنا وهي في الطاجن قبل التسويه.
 
نغطى الطاجن بتاعنا بورقة الزبدة وورقة من الفويل علشان يستوى جوه الفرن بسرعة، وندخله جوه الفرن على درجة حرارة متوسطة 180 أو 200 درجة والوقت المتوقع للتسويه 45 دقيقة.
 
طعم وريحة فوق الوصف وبالهنا والشفا
متنسيش تشير البوست اللى فالجروب علشان تفيدي غيرك
شاهدى الطريقة بالفيديو من وصفة طبيعية
 
الوسوم
اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق